రాధేయపాలెం కూటమి నేతల మర్యాదపూర్వక భేటీ.. గ్రామాభివృద్ధిపై కీలక చర్చ!

రాధేయపాలెం గ్రామానికి చెందిన జనసేన–తెలుగుదేశం–బీజేపీ కూటమి నాయకులు, కార్యకర్తలు రుడా చైర్మన్, తూర్పుగోదావరి జిల్లా టీడీపీ అధ్యక్షులు, రాజానగరం నియోజకవర్గ టీడీపీ ఇంచార్జి బొడ్డు వెంకటరమణ చౌదరిని మర్యాదపూర్వకంగా కలిశారు. ఈ సందర్భంగా గ్రామ రాజకీయ పరిస్థితులు, స్థానిక సంస్థల ఎన్నికల్లో విజయాలు, భవిష్యత్ కార్యాచరణ, గ్రామాభివృద్ధిపై చర్చించారు. కూటమి నాయకులు ఐక్యంగా ఉంటూ ప్రజలకు నిరంతరం అందుబాటులో ఉండాలని, ప్రభుత్వం అమలు చేస్తున్న అభివృద్ధి, సంక్షేమ పథకాలను ప్రజల్లోకి తీసుకెళ్లాలని బొడ్డు వెంకటరమణ చౌదరి సూచించారు. ఈ భేటీలో గ్రామ కూటమి నాయకులు, కార్యకర్తలు పాల్గొన్నారు.