వయసు మీద పడినా.. ఓటు హక్కు వినియోగంలో వృద్ధురాలి ఆదర్శం!

వయోభారాన్ని సైతం లెక్కచేయకుండా ఓటు హక్కును వినియోగించుకుని ఓ వృద్ధురాలు అందరికీ ఆదర్శంగా నిలిచారు. సామర్లకోట మండలం మాధవపట్నం గ్రామంలో వృద్ధురాలు పోలింగ్ కేంద్రానికి చేరుకుని తన ప్రజాస్వామ్య హక్కైన ఓటును వేశారు. వయసు పైబడినా ఓటు హక్కుపై తనకున్న బాధ్యతను చాటుకున్నారు. యువతతో పాటు ప్రతి ఒక్కరూ ఓటు హక్కును తప్పనిసరిగా వినియోగించుకోవాలనే సందేశాన్ని ఆమె తన చర్య ద్వారా అందించారు. ప్రజాస్వామ్య పండుగలో వయసుతో సంబంధం లేకుండా ప్రతి ఒక్కరూ భాగస్వాములు కావాలని ఈ ఘటన చాటిచెప్పింది.